|
Um miðbik Ítalíu er lítið óspillt svæði. Þetta er land skínandi grænna fjalla og hæða og blikandi blárra vatna og áa. Oft er því lýst sem hrífandi. Í Úmbríu er mikið af klaustrum og kirkjum. Matréttir í Úmbríu eru varla búnir til úr fleiri en fjórum til fimm hráefnum og kjöt og grænmeti er oft borið fram án sósu. Kjöt er mikilvægt í þessu héraði og hér færðu bestu salamipylsurnar. Svínaafurðir, t.d. salami, pylsur, þurrkað eða reykt kjöt, má finna á öllum forréttamatseðlum veitingahúsanna. Nautakjöt er líka gott, sérstaklega þegar það er af nautgripum sem aldir eru nálægt landamærum Toscana-héraðsins. Þar sem Úmbría er inni í landi eru ferskfisktegundir eins og vatnakarfi, gedda og áll mikilvægar í matarmenningu íbúanna. Aðrir sérstakir réttir eru t.d. “lenticchie di Castelluccio”, linsubaunir Casterruccio-trésins, sem eru hinar eftirsóttustu á Ítalíu og hafa á síðari árum orðið frægar langt út fyrir landamærin. Brauð er mikilvægur hluti matarins, t.d. “pan nociato”, sérstakt brauð búið til með sauðaosti, valhnetum og furuhnetum, og “torta al testo con i ciccioli”, dæmigert “focaccia”-brauð sem bakað er á steindiski og fyllt með litlum svínakjötsbitum sem fást með því að bræða spikið til að búa til svínafitu. Ólífuolía er notuð hér til að bragðbæta mat. Pasta er yfirleitt langt og þykkt og er oft bragðbætt með hinum heimsfrægu svöru trufflusveppum frá Norcia-svæðinu sem eru notaðir frjálslega í allt frá grautum til kartöflurétta. Perugia, höfuðborg héraðsins, er heimsfræg fyrir súkkulaði sitt. Ábætisréttir eru oft bragðbættir með hunangi, kastaníuhnetum, furuhnetum, hesilhnetum og möndlum. Uppskrift frá Úmbríu: Valhnetu og hunangsbrauð 175g Hveiti 25 g perlubygg-hveiti (Barley flour) eða rúgmjöl 15 g ferskt ger 70ml ml volgt vatn (37°C) 75 g valhnetur 20 g hunang (1 msk) smá salt vatn Leiðbeiningar: 1. Stillið ofninn á 200°C. 2. Setjið ger og hunang í glerskál og hellið volga vatninu yfir, hrærið saman með sleif. Breiðið yfir skálina og geymið á hlýjum stað eða þar til þetta freyðir og hefur tvöfaldast – það tekur yfirleitt svona 8–10 mínútur (aldrei geyma lengur en 15 mínútur). 3. Blandið saman í annarri skál öllum öðrum hráefnum, hellið gerblöndunni út í og bætið við vatni eftir þörfum, hnoðið deigið vel í að minnsta kosti 4-5 mínutur eða þar tíl deigið er orðið silkimjúkt og fínt. Myndið hleif úr deiginu og setjið í brauðform. Leyfið deiginu að hefa sig á hlýjum stað eða þar til það hefur tvöfaldast að stærð. 4. Bakið brauðið í 35 -40 mínutur. Takið úr forminu og látið kólna í að minnsta kosti 20 mínútur áður en það er skorið.
|
