Leiðbeiningar:
Hitið ofninn í 180 °C. Skerið tígla í fituna á bringunum. Setjið púðursykur, piparkorn, stjörnuanís og salt saman í mortél og maukið saman. Nuddið í skinnið á öndinni með kryddblöndunni, leggið í mót og látið fituhliðina snúa upp. Hellið brandíinu yfir og látið standa í minnst eina klst. eða yfir nótt í kæli. Leggið sveppina í bleyti í 500 ml af sjóðandi vatni í 30 mínútur eða þar til þeir verða mjúkir.
Sigtið vatnið af sveppunum í eldfast mót. Skerið sveppina gróft og bætið þeim út í ásamt kartöflunum og lauknum. Kryddið með salti og pipar. Lokið með álpappír og bakið í ofni í 30 mínútur.
Hitið pönnu á mesta hita og brúnið andabringurnar fyrst á fituhliðinni og svo á hinni. Setjið bringurnar í eldfast mót og hellið smávegis af brandímarineringunni yfir. Bakið í ofninum í 15 mínútur. Ef fitan er ekki mjög stökk eftir eldun er hægt að setja bringurnar á grill í ofninum
í eina mínútu.

Hráefni:

4 andabringur
2 msk púðursykur
½ tsk svört piparkorn
1 stjörnuanís
1 msk sjávarsalt
125 ml brandí
4 þurrkaðir shiitake sveppir
2 vorlaukar, skornir í þrennt
400 g sætar kartöflur, afhýddar og skornar gróft
2 msk jómfrúarolía