Leiðbeiningar:
Hitið ofninn í 230 °C. Setjið rósmarín, serranoskinku og hvítlauk í mat-vinnsluvél og maukið. Kryddið með svolitlu af salti og miklum pipar.
Stingið litlar raufar í lærið og troðið maukinu í, reynið að láta það standa sem minnst út úr lærinu og notið allt maukið.
Leggið lærið í eldfast mót, skerið laukinn í 4 hluta og setjið í mótið. Hellið jómfrúarolíunni yfir lærið og bakið í ofninum í 15 mínútur. Takið kjötið úr ofninum og lækkið hitann í 180 °C. Hellið 250 ml af hvítvíninu yfir og bakið áfram í eina klst. Ausið oft yfir lærið. Bætið vatni út í ef þurfa þykir. Takið lærið úr ofninum og látið það standa á bretti og jafna sig í 10 mínútur.
Setjið allan safa úr mótinu í pott. Bætið restinni af hvítvíninu út í og sjóðið þar til þetta er orðin hæfilega þykk sósa. Smakkið til og bragðbætið með salti og pipar ef þurfa þykir.

Hráefni:

1 meðalstórt lambalæri án lykilbeins
2 greinar af rósmarín
3 hvítlauksgeirar
75 g serranoskinka
1 stór laukur
125 ml jómfrúarolía
375 ml hvítvín
salt og pipar