Leiðbeiningar:
Kryddið kjötið mjög vel með salti og pipar. Brúnið það vel á öllum hliðum og setjið í ofn við 120 °C þar til það hefur náð 59 °C í kjarna. Takið kjötið þá út og látið standa í 10 mínútur áður en það er skorið.
Svepparagú
Skolið sveppina vel og þerrið. Setjið 2 msk af smjörinu á pönnu og steikið sveppina í 5 mínútur á miklum hita, hrærið oft í. Bætið lauknum og restinni af smjörinu á pönnuna og steikið áfram í 2 mínútur. Kryddið með salti og pipar. Hellið hvítvíninu á pönnuna og skafið upp kraftinn í botninum á pönnunni með tréspaða. Bætið rjómanum út í, hitið upp að suðu og berið fram.

Hráefni:

1 kg nautalund
2 msk jómfrúarolía
sjávarsalt og nýmalaður pipar

Svepparagú
500 g blandaðir sveppir (td.shiitake-, kastaníu-, Flúða-) skornir gróft
4 msk ósaltað smjör
1 stór skalottlaukur, saxaður
½ tsk sjávarsalt
nýmalaður svartur pipar
3 greinar ferskt timjan, tekið af greinum
120 ml hvítvín
80 ml rjómi