Hvítlaukskjúklingur

1 stór kjúklingur
3 msk jómfrúarolía
1 tsk salt
½ tsk pipar
2 greinar steinselja
1 grein rósmarín
1 grein timjan
1 lárviðarlauf
40 hvítlauksgeirar, ekki afhýddir
2 sellerístilkar, saxaðir
1½ dl hvítvín

Leiðbeiningar:

Hitið ofninn í 180 °C. Blandið saman rósmaríni, timjan, steinselju og
lárviðarlaufi og setjið inn í kjúklinginn. Penslið kjúklinginn með einni
msk. af olíu og kryddið með salti og pipar og bindið leggina saman. Hvítlaukur og sellerí sett í eldfast mót og kjúklingurinn lagður ofan
á, hvítvíni hellt yfir. Lokað með álpappír og bakað í 1½ klukkustund. Takið kjúklinginn úr fatinu og látið standa í 10 mínútur. Hellið safanum
yfir fuglinn. Berið fram nýbakað snittubrauð með kjúklingnum.