e. dill

Dill hefur verið þekkt sem krydd- og lækningajurt um þúsundir ára. Jurtin var notuð sem blævængur til að kæla ungabörn við svæfingu auk þess sem dillseyði var talsvert notað sem róandi meðal. Dill er yfirleitt um 70 cm að hæð, blöðin fjaðurskipt og stöngullinn holur. Blöðin og fræ plöntunnar eru einkum nýtt. Fersk dillblöð hafa sterkan ilm af anís. Dill þolir illa suðu og notast því helst rétt fyrir lok eldunar.

Uppruni

Í Mið-Asíu og við Miðjarðarhaf.

Notkun

Dill er mest notað í evrópskri matargerð. Dill hentar vel með fiski, grísakjöti, lambakjöti og grænmetisrétti. Það er gott í sósur og súpur. Þá hentar það einkar vel sem krydd í smjör, olíur og edik.

Geymsla

Ferskt dill geymist í 2 vikur í plastumbúðum í kæli, jafnvel lengur ef það er látið standa í vatni og geymt á svölum en björtum stað. Til lengri tíma er best að frysta ferk blöðin í vatni, t.d. í ísmolabakka.