e. mint

Myntur hafa verið þekktar krydd- og lækningajurtir frá örófi alda. Forn-Grikkir trúðu því að þær hreinsuðu röddina og læknuðu hiksta. Rómverjar notuðu myntur gjarnan við krýningar, en það var einmitt með Rómverjum sem mynta barst um Evrópu.

Uppruni

Í löndum austan- og sunnan við Miðjarðarhaf

Notkun

Mynta hefur á síðustu árum gengið í endurnýjun lífdaga má segja með vinsældum mojito kokteilsins hérlendis. En í matargerð hentar hún vel í arabískri matargerð þá einkum með lambakjötsréttum og í jógúrtsósur.

Geymsla

Nýskorna myntu má geyma í rökum vafningi af eldhúspappír í ísskáp í allt að tvo daga.