Svæðið er frægt fyrir ólífur, ólífuolíu, ávexti og geitaost. Í svonefndri sólarmatreiðslu einkennast réttirnir af grænmeti og ávöxtum sem eru ræktaðir í héraðinu. Svæðið er frægt sem matréttamiðstöð sem sameinar suðlæg og norðlæg hráefni. Bragðmikill og fjölbreyttur matur héraðsins er mjög kjöt- og innmatsríkur, með alls konar pylsum og úrvali góðra osta.

Sauðfé sem rekið er til fjalla á sumrin leggur til kjöt í algengustu réttina og er það oft steikt með árstíðakryddjurtum. Fiskur er annars algengasti rétturinn á hefðbundnum matseðlum, t.d. silungur, saltaður þorskur, ansjósur, barri, skötuselur, karfi og ufsi. Einnig sjávarfang eins og kúfiskur, fjörudoppa, ígulker, ostrur, kolkrabbi og humar sem saman mynda sjávarréttinn “plateaux de fruits de mer”.

Ólífur komu með Forn-Grikkjum fyrir tvö þúsund árum og eru í dag notaðar með hinum hefðbundna Provencal-fordrykk af pastis (líkjör bragðbættur með anísfræjum) og að auki í sósur og salöt, á tertur og pitsur og blandað saman við kapers í mauk sem nefnist tapenade til að smyrja á brauð eða kex. Þær eru líka notaðar í hefðbundna kjötrétti. Ólífuolía er upphafshráefni í flesta Provencal-rétti; krydduð með rauðum pipar eða Provencal-kryddjurtum.

Hvítlaukur sem er hefðbundið hráefni í Provencal-rétti er notaður ótæpilega og heilir markaðir eru með lengjur af ljósum og purpurarauðum hvítlauk. Tvær frægustu samsetningar svæðisins eru “pistou”, (ítalskt pesto) mauk úr ólífuolíu, hvílauk og basil, og “aïoli”, sem er bæði nafnið fyrir hvítlauksmajones og réttinn sem það er notað í með söltuðum þorski og grænmeti.

Sætindi héraðsins eru súkkulaði, einkum frá Valrhona. Pâtisseries sérhæfir sig í mjög bragðmiklum súkkulaðikökum, möndlusætindum sem nefnast “calissons” og koma frá Aix en sykurhúðaðir ávextir og núggat er frá Montelimar. Melónur, hvítar ferskjur, apríkósur, gráfíkjur, kirsuber og Muscat-vínþrúgur eru alveg frábærir ávextir. Möndlutré vaxa á sléttunni í miðhluta Provence, einnig lofnarblóm, sem gefur Provencal-hunangi mjög sérstakt bragð.

Uppskrift frá Provence:

Tapenade frá Provence - Ólífumauk

350 g svartar eða grænar ólífur

2 ansjósur

1 hvítlauksrif

2 msk kapers

2–3 stór basilblöð

1 msk ferskur sítrónusafi

2 msk jómfrúar-ólífuolía

Leiðbeiningar:

1. Skolið ólífurnar vel í köldu vatni og látið renna af þeim.

2. Látið öll hráefni í matvinnsluvél og maukið vel í 1–2 mínútur, ef maukið er mjög þykkt má bæta saman við 1 matskeið af olíu.