Gamla Kastilía er stór og hrjóstrug háslétta. Öldum saman hafa Kastilíubúar verið þekktir fyrir að vera seigari, stoltari og ósveigjanlegri en aðrir Spánverjar.

Gamla Kastilía er fyrrum konungsríki á Norður-Spáni sem átti sitt blómaskeið á seinni hluta miðalda. Andi gamalla bardaga við Márana svífur yfir vötnum innan um fjöldann allan af gömlum kastalarústum. En þaðan er nafnið einmitt komið.

Fyrir norðan, nánar tiltekið í León er besta hveitirækt í öllu landinu enda baka þeir allskonar tegundir af brauði þar á meðal flata brauðhleifinn hogaza, sem Kastilía er svo þekkt fyrir, öðru nafni pan de patre nuestro (vort daglegt brauð). Í León, nánar tiltekið í Salamanca eru alin atnaut.

Mikið er um vínrækt í Kastilíu. Í tierra del vino eru fjögur fræg vínsvæði. Þrenn þeirra eru meðfram Duero. Dýrasta vín Spánar, Vega de Sicilia er framleitt í La Ribera del Duero ásamt fullt af góðum hvítvínum. Rioja liggur í vestur, sunnan af Baskalandi. Rioja er eins og nafnið gefur til kynna, frægast fyrir vínrækt.

Kjötpottréttir eru vinsælir í þessum hluta landsins og einnig allskonar baunakássur með chorizo pylsum.