Kjötborðið

Kjötborðið hefur verið í gegnum tíðina ein helsta skrautfjöður okkar.  Á löngum og farsælum ferli höfum við þróað fyrsta flokks meðhöndlun og framsetningu á kjötvörum.  Okkar verslanir hafa á boðstólum mikið úrval af fersku kjöti sem afgreitt er beint úr kjötborði af valinkunnum fagmönnum.  Kjötiðnaðarmenn og matreiðslumenn okkar eru ávallt reiðubúnir að þjóna þér.

Ferskur fiskur daglega

Á hverjum morgni milli klukkan 7 og 9 afhenda fiskframleiðendur ferskan fisk og sjávarfang í verslanir Nóatúns.  Þannig getum við tryggt hámarksferskleika og gæði sem viðskiptavinir okkar geta ávallt treyst.  Úrvalið í fiskborðinu er ævintýri líkast.  Ýsa, þorskur, stórlúða, smálúða, steinbítur, keila, bleikja, lax, skötuselur og rauðspretta eru meðal tegunda sem daglega eru á boðstólum.  Þá er ótrúlegt úrval fiskrétta tilbúinna í ofninn eða pönnuna á 15 mínútum.  Það getur verið vandasamt að velja úr þessu mikla og fjölbreytta framboði.  Sérfræðingar okkar í fiskborðinu hafa áralanga reynslu af því að finna besta hráefnið og eru alltaf tilbúnir að aðstoða.

Ferskir ávextir og grænmeti

Við hjá Nóatúni leggum mikla áherslu á að ferskleiki og gæði séu ávallt til staðar í ávaxta- og grænmetisborðum okkar. Á hverjum degi tökum við á móti nýju grænmeti hvaðanæva úr heiminum.  Við leggjum mikla áherslu á gott samstarf við íslenska grænmetisbændur og leggjum okkur fram við að tryggja íslenskum neytendum aðgang að innlendri framleiðslu í hvert sinn sem hún er fáanleg.   Einnig bjóðum við upp á fjölbreytt úrval af lífrænt ræktuðum ávöxtum og grænmeti.

Nýbökuð brauð alla daga

Við bjóðum upp á nýbökuð brauð alla daga vikunnar sem bökuð eru á staðnum.  Úrvalið er mjög fjölbreytt bæði í brauðum og bakkelsi.  Það er einfaldlega ekkert sem jafnast á við nýbakað brauð úr Nóatúni. 

Heitur tilbúinn matur

Í Nóatúni er lögð mikil áhersla á úrval og framsetningu á heitum tilbúnum mat. “Heitt með heim” hefur nú verið sett upp í flestum okkar verslunum.  Við bjóðum upp á eldsteiktan kjúkling, fjölbreytt úrval pönnurétta, auk annarra rétta á hverjum degi.   

Mikið vöruúrval

Við hjá Nóatúni kappkostum að bjóða upp á mikið og fjölbreytt úrval af matvöru. Við leggjum okkur fram að finna vörur úr öllum heimshornum og kynna í verslunum okkar.  Hver heimsókn á að vera upplifun í hvert sinn sem viðskiptavinur kemur til okkar.

Yfir 1500 vöruliðir af lífrænt ræktuðum- og heilsuvörum

Ein af áherslum okkar er að hafa mikið úrval af lífrænt ræktuðum vörum sem og heilsuvörum í öllum okkar verslunum.  Við bjóðum upp á lífrænt ræktaðar vörur í nánast öllum fæðuflokkum.  Allar vörur eru í háum gæðaflokki.  Einnig eru lífrænt og vistvænt ræktaðar hreinlætis- og snyrtivörur á boðstólum í verslunum okkar.

Gæðaáherslur Nóatúns

• Fyrir okkur er góður matur ástríða og við álítum það hlutverk okkar að deila ástríðu okkar með hvert öðru.
• Með metum hverja og eina vöru af kostgæfni áður en hún fer í vöruval verslana okkar.
• Við leggjum sérstaka áherslu á fjögur ferskvörusvið: kjöt, fiskur, ávextir og grænmeti ásamt brauðmeti.
• Við leggjum áherslu á lífrænt ræktaðar vörur og heilsuvörur sem stuðla að bættri heilsu og vellíðan.
• Við kappkostum að leysa allar þarfir okkar viðskiptavina frá degi til dags.  
• Allar verslanir okkar vinna skv. HACCP-gæðakerfinu og hafa virkt innra eftirlit.