Leiðbeiningar:
Afhýðið perurnar og sjóðið í rauðvíninu ásamt berkinum af einni appelsínu og helmingnum af sykrinum. Afhýðið hina appelsínuna, léttsjóðið börkinn af henni og kælið strax aftur.
Skerið krónhjartarlundirnar í 8 steikur og kryddið með salti og pipar. Steikið upp úr 50 g af smjöri í 4–6 mínútur á hvorri hlið. Látið kjötið standa í 5 mínútur og jafna sig.
Skerið eplin í litla teninga og sjóðið í eina mínútu í vatni og sírópi.Skerið vínberin í fernt og takið steinana úr þeim. Hitið vínberin upp í einni tsk. af sírópi og bætið þeim svo við trönuberin.
Hellið steikarskófinni af pönnunni í skál. Setjið restina af sykrinum á pönnuna og brúnið hann aðeins. Skerið appelsínurnar í bita og bætið út í ásamt ediki, kjötsafanum og cumberlandsósunni. Sjóðið í 2–3 mínútur. Sigtið og bætið engiferinu í og saltið. Hrærið restinni af smjörinu saman við. Bætið loks appelsínuberkinum út í.
Blandið saman vínberjum, eplum og trönuberjum og berið fram ásamt perunum.

Hráefni:

800 g krónhjartarlund
500 ml rauðvín
2 appelsínur
4 perur
2 epli
200 g vínber
50 trönuber, þurrkuð
20 g malað engifer
50 ml hvítvínsedik
100 ml cumberlandsósa
100 g smjör
40 g sykur
hlynsíróp
sjávarsalt og nýmalaður pipar